‘ओळखलत का सर मला?’
पावसात आला कोणी,
कपडे होते कर्दमलेले,
केसांवरती पाणी.
क्षणभर बसला
नंतर हसला
बोलला वरती पाहून
‘गंगामाई पाहुणी आली, गेली घरट्यात राहुन’.
माहेरवाशीण पोरीसारखी
चार भिंतीत नाचली,
मोकळ्या हाती जाईल कशी,
बायको मात्र वाचली.
भिंत खचली,
चूल विझली,
होते नव्हते नेले,
प्रसाद म्हणून पापण्यांवरती पाणी थोडे ठेवले.
कारभारणीला घेउन संगे
सर आता लढतो
आहेपडकी भिंत बांधतो आहे, चिखलगाळ काढतो आहे
खिशाकडे हात जाताच हसत हसत
उठला‘पैसे नकोत सर,
जरा एकटेपणा वाटला.
मोडून पडला संसार तरी मोडला नाही
कणापाठीवरती हात ठेउन, फक्त लढ म्हणा’!
3 comments:
good one...
Arre evadhi aavad aahe tula kalechi, kavitanchi, gaanyanchi, software madhe kay kartoys lekaa!
Arre Ameya!
काय करणार? पर्याय नाही!
पोटासाठी करायला लागते हे सगळे :)
Post a Comment